كليات القمة

"nefsy atla3 doctor","nefsy ashofak yabny doctor ad el donya"."nefsy ab2a mohandes zay baba","nefsy tekbar w temsek el saydaleya bta3ty" kalam kolena bela estesna2 2olnah w sme3nah f biotna,wlama kberna w ba2ena f sanaweya 3amma zahar mostala7 "koleyat el kemma" w hya koleyat "Teb,saydala,teb asnan w handasa.Ya3ne enta da7'el seba2 el sanaweya el 3amma 3ashan twsal l koleya men el arba3a dol,la2en el mogtama3 el masry karar 7'alas en dol a7san arba3 koleyat,w felkoleyat de a7san mosta2bal w a7san foras naga7 maddy w mehany.


el so2al delwa2te:Fe sanat 2010 hal de fe3lan koleyat el kemma f masr?De a7san koleyat fe masr fe3lan?w law hya fe3lan a7san koleyat hal el natiga el matloba et7a2a2et?hal tarbeyet kol tefl masry 3ala mabda2 nefsy ashofak doctor aw mohandes fadet el nas w fadet masr?


tab eh elly et3'ayar 3an geel ahalina?7agat ktir,awelha el 3adad,zaman kanet dof3et teb aw handasa a2al men 200 taleb,wkano byeshteko en el 3adad kbir,delwa2ty section wa7ed f teb aw handasa bey3ade 100 taleb,wel dof3a f teb weslet 1200 taleb.1200 doctor men gam3a wa7da bs kol sana byenzelo so2 el 3amal sawa2 7okomy aw 7'as,masr fiha aktar men 14 koleyet teb 3'er el koleyat el 7'asa,yb2a keda byet7'arag kam doctor fel sana el wa7da?kam mohandes?kam saydaly?2alaaf.2alaf f sana wa7da bs,yb2a fel 10 senin elly fato bs el 3adad wesel kam?


kol elly 3amaleto el 7okoma enha zawedet esti3ab el koleyat de 3ashan te2dar ta7'od el 3adad da kollo,wyaretha neg7et f keda,kaman rafa3et magmo3 el koleyat de,taleb el teb el da7'alha b 99 % babah el doctor kan da7'el teb b 70 %,tab gab ezay 99%?kolena 3arfeen ezay gebna el agamee3 de,w 3arfeen el manaheg w mostawa emt7anat el sanaweya el 3amma,msh me7tag ashra7loko :)


Netkalem b2a 3an el natiga,tala3na 2alaf men el ateba2 wel sayadla wel mohandeseen,law karenna el 3adad b dowal tanya hanetla3 aktar b ktir,wel mokarna de hatedy enteba3 enena sha3b mota7ader mota3alem w mosakaf,3adad 3omro maykon f dawla men dowal el 3alam el talet,bs b sara7a keda:el 2alaf de fe3lan dacatra w mohandeseen shatreen?wala 3adad 3al wara2 w bas?el nas de et3alemet kwayes?1000 taleb f modarag w 100 taleb f section aw f ma3mal momken yet3alemo kwayes f dawla emkaneyatha ma7doda zay masr?akid la2,elmoshkela kaman enha msh koleyat nazareya bs,de koleyat 3amaleya wel ganeb el 3amaly fiha aham men el nazary b ktir,ya3ne kaman me7tagin tadreeb 3amaly kwayes,msh 3ala ad kotob w mo7adrat w mozakra,ya3ne a3da2 hay2et el tadrees 3ashan yeddo kol takethom w 3elmohom w ye7'arago doctor aw mohandes kwayes lazem yela2o 3adad ma7dod men el tolab,msh 100 taleb fel section el wa7ed.zaman kan el ostaz 3aref el talaba bel esm,delwa2te mafish taleb 3aref kol zamayel dof3eto.


Elnatiga eltanya wel aham:nazaran le 3adad el ateba2 wel mohandesin el kbir,el moratabat ba2et da3ifa gedan,moratab el doctor f masr momken yewsal l 250 gneh,wtab3an kolena 3arfeen 250 gneh fel zaman da ya3ne eh,tab3an ebtada el ateba2 yeshteko 3ashan awda3hom w moratabathom tet7asen w talbo b kadr 7'as w edrabat w shakawy mabtentehish,kessa sa7'ifa w momela kolena zhe2na menha,ledaraget en soret el tabeeb wel mohandes bada2et tethaz fel mogtama3 el masry,w b2a el tabeb wel mohandes f masr men fe2at el 3'alaba w ma7dody el da7'l.

Ya3ne el mo7assela,mafish ta3lim kwayes,mafish amaken kwayesa tesa3ed el doctor aw el mohandes yeshta3'al sa7 w yetawar nafso,mafish moratabat tedman lihom 7ayah karima,batala w foras 3amal ma7doda,ba2ena bnesma3 3an mohandes eshta3'al sawa2 taxi,w doctor fata7 play station,mogtama3 kol 7aga fih ba2et mashya bel3aks,delwa2te b2a 7elm kol tefl masry eno yetla3 motreb aw la3ib kora.


wel 7all?el 7all yebtedy menena e7na abl el 7okoma,nebatal ne2aled ba3d w neshaga3 weladna 3ala el koleyat el tenaseb myolhom w tenaseb e7tyagat soo2 el 3amal f masr,nebatal neshaga3 weladna 3al koleyat de bs,nebatal ne7aseshom en el koleyat el tanya ay kalam w malhash mosta2bal,nebatal neda7'al banatna teb w saydala 3ashan el bent yegilha 3arees kwayes,nefakar shwaya en el zaman et3'ayar wen el balad me7taga nas f magalat tanya,


El 7okoma tab3an 3aleha dor,dorha yebtedy b ta3deel nezam el sanaweya el 3amma ta3deel 7a2e2y yefara2 ben el taleb el motafawek wel taleb el a2al.lazem kaman 3adad el talaba fel koleyat de y2el,3ashan el nas tet3alem kwayes w teshta3'al kwayes w da7'laha yeb2a kwayes,w tolab el koleyat el tanya bardo yela2o foras a7san w magalat tanya ye2daro yenga7o fiha,law wagehna nafsena bel 7a2ee2a,law kol wa7ed 2am b doroh sa7 hateb2a kol koleya f masr "koleyet kemma" msh zay ma 3adel emam bey2ol "Balad bta3et shehadat sa7ee7" :)